Tanah Bumbu,Polsek Kusan Hilir ma'aman akan lakian nang bainisial R (33), warga Desa Sepunggur Kecamatan Kusan Tengah.
Si R ini diaman akan imbah dilapor akan Lisda (32) bininya saurang, maraga R imbah manamparnya di pipi sebelah kiri sampai biru.
Kejadiannya di rumah kontrakan di Desa Sepunggur belum lawas ini. Mulanya si Lisda ini barabah di tilam, imbah itu datang lakinya. Lisda manakuni rumah kontrakan dibayari kah atau belum maraganya ampun rumah kontrakan ada manakuni.
R menjawab rumah kontrakan belum dibayari maraganya duit gajinya habis gasan membaiki sepeda motor. Rupanya R sangit ditakuni bininya itu balalu mahingkak nang bini, balalu ai bahualan dua laki bini.
Ampih bahualan nang bini barabah pulang di tilam, nang laki menarik-narik bahu bininya supaya bapuat tagal nang bini indah; manyimbah tangan nang laki. Rupanya waktu manyimbah tangan nang laki itu tangan bininya takana muha nang laki, karuan ai nang laki manampar muha nang bini.
Kada terima ditampar nang laki, bininya melapor ke Polsek Kusan Hilir. ©Jurnalisia™
👀 4199
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.