Assalamu alaikum warahmatullah wa barakatuh.Bubuhan Urang Banua, Kukula'an barata'an dimana haja ba'andak atawa bagana; nang di Kalimantan, di Jawa, di Tambilahan Riau, di Kuala Tungkal Jambi, dimana haja di sabarata'an Indonesia atawa nang di luar nagari, ayu kita basurah Basa Banjar pulang.
Kita mambahas masa'alah babarapa kata nang tamasuk jarang disambat wayah naya maraga kakanakan kita banyak nang basasambat dalaman Basa Indonesia. Napa haja kah nintu ? Baca wan janaki di bawah naya.
Kuantan, amun kakanakan bahari pasti tahu artinya kata naya; artinya wadah nang kaya panci atawa kincing gasan bamasak. Misalnya; "Amun ikam handak makan ambil haja nasinya dalam kuantan." [Jika kamu makan makan ambil saja nasinya dalam panci]
Kulayak, artinya sama wan mangupas atawa imbah anu artinya kawa jua dipakai gasan manguyak wan manguliti. Misalnya; "Inur liwar aur mangulayak kulimbit ayam." [Inur sangat sibuk mengelupasi kulit ayam] - "Lintuhut Udin takulayak sampai kaliatan dagingnya." [Lutut Udin mengelupas sampai tampak dagingnya]
Kulimbit, artinya kulit. Kulit napa haja; kulit manusia atawa kulit satuwa.
Kuridak, artinya rigat, biasanya ditujukan ke awak atawa baju salawar, kawa jua gasan banda lain. Misalnya; "Awak ikam nintu bakuridak wan licak." [Tubuhmu itu kotor oleh lumpur] - "Astaga liwar bakuridaknya piring naya." [Astaga kotor sekali piring ini]
Kurinah, artinya singhaja, basinghaja atawa dasar dikahandaki. Misalnya; "Bakurinah ikam tulak ka jauh madam ka banua urang." [Pergi saja kamu ke jauh tinggal di kampung orang]
Kikira itu haja dahulu nang kita bahas di kasampatan naya, insya Allah kainanya kita mambahas kata nang lain pulang. ©Jurnalisia™
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.