Assalamu alaikum warahmatullah wa barakatuh.Bubuhan Urang Banua, Kukula'an barata'an dimana haja ba'andak atawa bagana; nang di Kalimantan, di Jawa, di Tambilahan Riau, di Kuala Tungkal Jami, dimana di sabarata'an Indonesia atawa nang di luar nagari, ayu kita basurah Basa Banjar pulang.
Di kasampatan naya kita mambahas masa'alah babarapa kata nang tamasuk asa ngalih disambat tagal rancak haja disambat, wan ada jua sasama'annya wan kata lainnya. Napa haja kah nintu ? Baca wan janaki di bawah naya.
Simpak (Pahuluan) atawa Sempak (Kuala), artinya salawar dalam, nang dipakai jadi lapisan salawar nang dipuruk di luarnya apakah nintu salawar panjang atawa salawar singkat. Amun dalaman Bahasa Indonesia sambatannya Celana Dalam biasa disingkat CD.
Cancut, artinya sama haja wan Simpak atawa Sempak, tagal amun jaman bahari Cancut naya diulah saurang alias parudiksi saurang.
Cawat, handak sambatannya Simpak, Sempak atawa Cancut, maka barata'an sambatannya Cawat.
Amun wayah naya Simpak, Sempak, Cancut, Cawat; banyak dijual di pasaran, rupa-rupa macam wan mudilnya diulah akan pabrik.
Tagal kata Simpak naya artinya kada sahibar Cancut atawa Cawat, ada jua atinya nang lain.
Simpak naya bisa jua artinya "Penyok" dalaman Bahasa Indonesia.
Kikira itu haja dahulu nang kita bahas di kasampatan naya, insya Allah kainanya kita mambahas kata nang lain pulang. ©Jurnalisia™
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.