Tanah Bumbu,Biar saikitannya, sahimpil kah amun baisian Sabu tatap nang ngaran ditangkap Pulisi. Kada bapilih handak tuha atawa masih kanakan bau jariangau kah pasti sudah ditangkap Pulisi amun tahaga.
Nang naya pang, masih baumur 13 tahun, masih cingit, kita sambat haja ngarannya Joni, warga Desa Pulau Satu Kecamatan Kusan Hilir Tanah Bumbu; ditangkap Pulisi maraga baisian Sabu. Kada banyak pang, 0,08 garam haja tagal Sabu, han......
Bubuhan Pulisi matan Polres Tanah Bumbu mandatangi rumah di intangan Jl. Mangkubumi Desa Pulau Satu Kecamatan Kusan Hilir, samalam hari Ahat (05/11/23) sakira jam 00:45 WITeng.
Rumah wan urang nang ada disitu digalagai Pulisi, rahatan nintu Pulisi tahaga wan tadapat Sabu di higa awak nang bangaran Joni naya, balalu ai Joni wan barang bukti ditangkap wan dibawa Pulisi.
Baluman dikatahuwani Sabu nintu gasan dipakai saurang kah atawa gasan bajualan, Pulisi masih manyalidiki. ©Jurnalisia™
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.