Dikuciaki, Dikarubuti Sampai Siup, Nang Mangarubuti Bukahan Bahilang

foto ilustrasi

Tanah Bumbu,

Siup maraga dikarubuti wan dihukum akan urang banyak, balalu dibawa ka Klinik Permata Bunda.

Damiya kisahnya; hari Sabtu nintu (25/11/23) sakira jam 23.30 WITeng, Dedi Sufianda, Zainuddin wan Muhammad Fajrin lalu di muka lawang sakiping Desa Damar Indah Kecamatan Sungai Loban.

Wayah nintu dikuciaki bubuhan urang nang ada di intangan situ. Nang batiga naya mandatangi bubuhan nang manguciaki nintu. Rahatan sampai ka wadah bubuhan nintu handak batakun siapa nang manguciaki, saikung matan bubuhan urang banyak nintu langsung mangacak gulu Dedi Sufianda, saikung ada nang manukun matan balakang, nang lain umpatan jua mamukuli.

Malihat kawan dipukuli urang banyak nintu Zainuddin cuba malawan akan tagal Zainuddin jua dipukuli bubuhan nang banyak nintu. Muhammad Fajrin tulak maminta tulung, tagal pas babulik kasitu bubuhan nang mangarubuti kawannya sudah kadada'an lagi, tatinggal Dedi Sufianda nang siup dikawani Zainuddin.

Muhammad Fajrin wan Zainuddin mambawa Dedi Sufianda ke Klinik Permata Bunda, disana Dedi Sufianda nang sudah kada siup lagi ta'aduh ma'arit sakit. Imbahnya bubuhan nang batiga naya malapur ka Polsek Sungai Loban.

Bubuhan nang mangarubuti nintu sudah dikatahuwani bubuhan Polsek Sungai Loban, bubuhan Pulisi rahatan mancari bubuhan nang bakarubutan nintu. ©Jurnalisia™