Tanah Laut,Kada kukurang akal gasan manipu urang, ada haja parigal panipu wayah naya.
Kita sambat haja gin ai ngarannya nang manipu naya, Deni Riswanto (33), warga Kecamatan Karang Intan Kabupaten Banjar, imbah ditangkap bubuhan Unit Reskrim Polsek Batulicin wan Unit Resmob Satreskrim Polres Tanah Bumbu, Unit Kamneg Sat Intelkam Polres Tanah Bumbu wan jua Unit Resmob Sat Reskrim Polres Tanah Laut.
Si Deni nintu tatangkapnya di intangan kumpulan kantur di Gagas Pelaihari Tanah Bumbu, sakira jam 00.30 WITeng, Sabtu (18/11/23).
Damiya kisahnya, kajadiannya di Batulicin sakira jam 09.50 WITeng, Jumahat (17/11/23), di tuku urang bajualan hinpun; Toko Almera Phone. Si Deni nintu datang ka tuku hinpun batakun ka ampun tuku kawakah babayar tagihan FIF, bapiragah handak tup ap (top up).
Imbah nintu si Deni bapadah kada jadi wan ba'alasan ka ling (link) ampun tuku hinpun haja gasan mambayar saurang. Ampun tuku imbah nintu ma'isi ka ling si Deni Panipu naya sajumlah Rp 6,8 juta.
Imbah nintu pulang si Deni naya manukar kartu SIM talipun, ujar Deni ka ampun tuku, kartu musti diragistrasi (didaptar) dahulu sabaluman dipakai, balalu Deni ba'alasan ma'ambil kartu kulawarga (KK) gasan diragistrasi ampun tuku. Deni banaik ka mutur (Banjar; mobil) balalu tulak maninggal akan ampun tuku kada sing bayaran ling nang sudah dibayar akan ampun tuku nintu.
Barang bukti nang tadapat bubuhan Pulisi matan si Deni naya; duit sabanyak Rp 5,8 juta, mutur Daihatsu Sigra DA 1403 BS, wan hinpun mirik Realme. Nang ditipu bangaran Nila Sri Wahyuni (24), warga Plajau Simpang Empat. ©Jurnalisia™
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.