Tanah Bumbu,Tamasuk wani sidin ini. Membunuh orang, artinya wani dihukum dikurung di penjara.
Ngaran sidin Ahmad Sirajudin (28), suku Banjar, warga Desa Pacakan Kecamatan Kusan Hulu, sudah diaman akan bubuhan Polsek Kusan Hulu, nang masih menyelidiki napa maraganya makan membunuh orang.
Kada ma'alang-alang bubuhan polisi nang menangkap wan meaman akan si Sirajudin ini; gabungan Unit Resmob Polres Tanah Bumbu wan Unit Kamneg Sat Intelkam Polres Tanah Bumbu, Unit Reskrim Polsek Kusan Hulu nang di-backup oleh Resmob Polda Kalsel ditambah Polres Tanah Laut wan Polsek Kintap.
Sirajudin tadapat bubuhan polisi di Desa Pasir Putih Kecamatan Kintap Tanah Laut. Kejadian pembunuhan itu di Desa Teluk Kepayang pada 18 Oktober 2023. Nang tabantai dibunuh itu habarnya bangaran Daud. Bamula bahualan di warung, imbah itu ditimpas oleh Sirajudin; ranai am garutuk. ©Jurnalisia™
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.