Kotabatu,Masuk ke agama Islam sidin ini. Asalnya sidin nang wayah ini rahatan ditahan di Rumah Tahanan (Rutan) Polres Kotabaru ini; ba'agama kada Islam. Semalam Sanayan (11/09/23), nang bangaran Dimo ini manyambat atawa maucap akan 2 kalimah syahadat tanda masuk agama Islam.
Nang ma'islam akan Dimo ini Habib Thaha Al Habsyi, disaksi akan oleh Kapolres Kotabaru, AKBP Dr. Tri Suhartanto, SH, MH, M.Si, Wakapolres, Kompol Agus Rusdi Sukandar, SH, SIK, MH, wan Kabag Ops, AKP Abdul Jalil, SIK, MH.
"Alhamdulillah hari ini batambah dingsanak kita nang ba'islam, Dimo, mudah-mudahan kita nang menyaksi akan ini dapat ganjaran pahala wan barakah matan Allah SWT," ucap Kapolres.
Dimo nang hanyar ba'islam ini disuruh akan belajar masa'alah agama Islam ke bubuhan sesama Islam nang ada di tahanan. Imbah kaina amun sudah bebas matan hukuman, Dimo ini disuruh akan jua belajar masa'alah agama Islam ke bubuhan tuan guru atawa ke habib.
Ujar Habib Thaha Al Habsyi, orang nang hanyar ba'islam atawa sambatannya mualaf ini barataan dosanya diampuni atawa dihapus oleh Allah SWT, makanya Dimo ini supaya bausaha bakalakuan baik.
Wan jua amun sudah bebas matan hukuman kaina Dimo disuruh akan ke Kantor Kemenag gasan manuntung akan dokumen atawa administrasi bapindah agama.
Dimo ini masuk tahanan Polres Kotabaru ini maraganya takana kasus 363 alias manyuntan. ©Jurnalisia™
Jurnalis : Agus Ariyanto
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.