Kotabaru,Perusahaan nang satu ini, PT ITP, Tbk Tarjun Kotabaru rancak banar bakumpulan wan bubuhan wartawan atawa istilahnya media gathering. Tujuannya ujar supaya rakat wan bubuhan wartawan matan bamacam media nang kebanyakan media online pang.
Bakumpulan itu dihadiri bubuhan kepala ahuy di PT ITP itu, Plant Manager Tarjun, Teguh Iman Basuki, M. Syaifuddin, SHECSR Department Head, wan sudah pasti bubuhan wartawan wan jua barataan bubuhan CSR perusahaan.
Ujar Teguh Iman Basuki, bakukumpulan ini memang sudah dikahandaki CSR perusahaan, wan jua supaya kainanya makin meningkat gasan kemajuan barataan. Maraganya bubuhan wartawan atawa media ini baisi peranan penting gasan menyebar akan informasi perusahaan.
Bakukumpulan ini jua diada akan pamainan, bamacam lomba nang digawi oleh Panitia matan perusahaan gasan bubuhan wartawan, wan ada jua diada kan hiburan. ©Jurnalisia™
Jurnalis : Agus Ariyanto
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.