Tanah Bumbu,Nah, ini maka am tadapat tangkapan malaran ganal.
Satresnarkoba Polres Tanah Bumbu menangkap Panyabuan nang bangaran Sabri Akbar (41), warga Desa Barokah Kecamatan Simpang Empat.
Kejadiannya Jumahat ( 01/09/23) sakira jam 19.20 WITeng, Jl. Kuranji Komplek Perumahan Datar Laga Desa Sarigadung.
Ujar rilis nang dikirim Polres, ada bubuhan warga nang mamadah akan disana itu rancak ada nang bajualan Sabu wan Obat.
Dapat informasi itu labar am bubuhan Polisi bagarak mendatangi wadah nang dipadah akan warga itu di satu rumah. Bubuhan Polisi bagagaian di rumah itu.
Barang bukti sempat ditimbai ke belakang rumah tagal tadapatnya haka jua oleh bubuhan Polisi.
Kulihan am barang bukti 23 paket Sabu nang beratnya 35,26 gram, wan jua 98 setengah buting pil ekstasi warna habang anum nang beratnya sekira 32,67 gram wan jua barang bukti lainnya tamasuk duit Rp 100 ribu.
Sabarataan barang bukti wan orangnya dibawa ke Polres Tanah Bumbu gasan ditakuni wan diproses hukum. ©Jurnalisia™
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.