Kotabaru,Wakapolres Kotabaru, Kompol Agus Rusdi Sukandar, SH, SIK, MH membuka Pelatihan Fungsi Teknis Kehumasan, temanya "Kemampuan Komunikasi dan Interaksi Digital" gasan bubuhan Polisi, Arba (13/09/23), di Aula Sanika Satyawada Polres Kotabaru.
Ujar Wakapolres, liwar pentingnya menjaga citra atawa nama baik Kepolisian wan kepercayaan bubuhan warga masyarakat ke Polisi.
Kasi Humas Polres Kotabaru, Ipda Agus Riyanto nang jua jadi Narasumber di pelatihan, mamandir akan masa'alah gawian Humas dalaman ma'aplikasikan hasil gawian Polri nang baik-baik di media.
Sidin jua ma'anyaki akan saban Anggota Polri adalah pawakilan matan Institusi Polri wan musti saing dalaman menjalan akan tugas Humas.
Gawian pelatihan ini langkah nyata dalaman meningkat akan pemahaman wan kemampuan bubuhan Polri dalaman menjaga wan maurusi komunikasi wan interaksi digital nang makinannya penting di jaman wayah ini.
Diharap akan pelatihan ini jadi semacam sangu nang makin kuat gasan bubuhan Polri dalaman menggawi tugas Humas wan kawa menguat akan hubungan nang baik antara Polri wan bubuhan masyarakat. ©Jurnalisia™
Jurnalis : Agus Ariyanto
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.