Kotabaru, Nelayan (Paunjunan) nang hilang di laut sudah tadapat tagal sudah meninggal di perairan Sungai Selatu Desa Bangkala'an Melayu Kecamatan Kelumpang Hulu, Sanayan (11/09/23) sekira jam 10.10 WITeng.
Kapolsek Kelumpang Barat, Iptu Hendrie Ade A.S memadah akan, si Nelayan nang bangaran Alpianor (33), warga Desa Bungkukan Kecamatan Kelumpang Barat, bapadah ke bininya tulak maunjun ke laut pakai perahu ketinting di perairan Selatu. Biasanya jam 09.00 WITeng nang laki sudah babulik ke rumah tagal dihadang-hadang kadada jua bangsul.
Maraga kadada bangsul itu am nang bini melapor ke Polsek, nang balalu Polsek didangani warga, taumpat jua Ketua DPRD Kabupaten Kotabaru, Syairi Mukhlis bacarian ke wadah biasa si Nelayan maunjun.
Pas-nya di perairan Selatu Kambang Hiang Desa Batang Kulur Kelumpang Barat, tadapat jua Nelayan itu sudah meninggal. Mayat balalu dibawa ke rumahnya, kulawarganya kada hakun mayat korban divisum. ©Jurnalisia™
Jurnalis
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.