Kotabaru,Malaran bagus sudah pengelolaan objek wisata di Pantai Teluk Tamiyang Kecamatan Pulau Laut Tanjung Selayar Kotabaru.
Kelihatannya sasain batambah fasilitas umum; penginapan, warung, wan lahan gasan parkir kendaraan.
Orang kampung ada beberapa nang maulah penginapan, sederhana, tagal malaran membantu pengunjung amun handak bamalam disana. Ada jua pang bubuhan pengunjung nang membawa wan bakemah di pinggir pantai.
Warung pinanya sasain batambah jua, gasan badudukan sambilan makan minum wan sambilan maniring ke ampah laut.
Wadah parkir gin ai sudah diatur bagus, diurusi oleh Pemerintah Desa, duit parkirnya masuk ke kas desa, ada petugas parkir nang ma'atur.
"Parkir gasan motor Rp 25 ribu sekali parkir; handak sehari kah atawa seminggu; bayarannya sama haja," ujar petugas parkir nang ada di pantai itu.
Nang masih jadi masa'alah jalan ke Teluk Tamiyang haja nang beluman bagus.
"Luar biasa, maksudnya luar biasa rusak jalan kesini," ujar bubuhan pengunjung nang datang jauh-jauh matan Palangkaraya Kalteng. ©Jurnalisia™
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.