Ngalih Kulihan Banyu di Kotabaru, Tabulang Bulik Kisahnya Saban Tahun

courtesy : blog pdamktb

Kotabaru, 

Kukurang lebih tahun dahulunya haja jua, kada banyak baubah amun pas wayah musim panas atawa kemarau; ngalih kulihan banyu di Kotabaru umumnya di daratan Pulau Laut.

Banyu mata PDAM sudah bagiliran dialir akan ke rumah-rumah pelanggan. PDAM Kotabaru sudah maulah jadual ma'alir akan banyu, itu gin ai kada kawa barataan jua nang kulihan.

Banyu persediaan nang dialir akan PDAM itu nang matan Instalasi Pengolahan Air (IPA) nang ba'andah di Gunung Reli. Penampungan banyu di wadah lainnya kadada takisah sudah, bisa-bisa sudah ti'is banyunya.

"Lawas sudah kami kada kulihan banyu," ujar warga nang menulis di medsos.

Kejadian kada kulihan banyu, aliran bagiliran; ini tabulang bulik haja kisahnya saban tahun di Kotabaru. Dimapa am amun sumber banyu sudah dasar liwar ngalih; pohon-pohon hutan ditabangi diganti wan nyiur sawit nang liwar banyak maisap banyu matan dalam tanah. Ditambah pulang tambang batubara nang mulai papak bagawian manabuk tanah sing dalaman baparakan wan kampung ha pulang.

Amun banyak baduit kawa haja manukar banyu matan penjual banyu, tagal haraganya pasti ai larang, itu gin ai amun ada jua banyunya nang dijual-jual. Amun kadada jua hujan dalaman sabulanan ini; kada tahu lagi kisahnay dimapa caranya bubuhan warga kulihan banyu, salah-salah IPA nang di Gunung Reli itu gin ai sasain ti'is, kasian. ©Jurnalisia™