Tanah Bumbu,Kaliatan sudah potongannya nang kaya masigit amun kita pas lalu di intangan Siring Pagatan. Amun kita maniring ampah ke laut, kalihatan bangunan masigit nang rahatan digawi; sambatannya Masigit Apung atawa Mesjid Apung.
Masigit nang tihangnya batajak di atas banyu laut nang bagalumbang itu diulah atawa dibangun oleh PT Borneo Indobara (BIB), parusahaan nang manambang batubara di wilayah Tanah Bumbu. Maulah masigit apung itu huras kadada duit matan Pemerintah Daerah tagal sabaratan duit matan parusahaan, han liwar baiknya parusahaan hakun keluar duit nang kada sadikit.
Sambatannya Masigit Apung, kadanya nang kaya lanting di sungai pang nang timbul ba'andak di atas banyu nang kaya perahu atawa kapal. Disambat Masgit Apung ini maraganya andakannya di atas pada banyu, sudah diukur kada pacang calap alahan kemasukan banyu ke dalam masigit.
Masigit nang dingarani Ziyadatul Abrar (ZA) itu amun sudah tuntung kaina diharap akan jadi bagian matan objek wisata Siring Pagatan nang rencananya jua handak dibaiki supaya bujur-bujur nayaman wan banyak didatangi pengunjung. ©Jurnalisia™
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.