Kotabaru, Polsek Pulau Laut Utara Polres Kotabaru menangkap wan meaman akan 5 Maling nang mambungkas, manggalagai wan manyuntani pakakas di dalam rumah rahat ampun rumah kadada.
Kejadiannya di Jl. Raya Stagen Pal 8 Desa Stagen Kecamatan Pulau Laut Utara, Sabtu (02/09/23). Ada warga handak tulak maunjun pas rahatan lalu di rumah itu, talihat lalungkang di higa kanan rumah babuka'an.
Merasa curiga warga itu bapadah ke warga lainnya nang balalu mahubungi ampun rumah mamadah akan lalungkang rumahnya babuka'an.
Hari Ahad (03/09/23) sekira jam 08.00 WITeng baisukan wayah diperiksa, banyak pakakas dalam rumah nang bahilangan; tilam spring bed, kipas angin, talipisi tabung, ambal, pemanas banyu, pemasak nasi wan barang padapuran lainnya.
Kapolsek Pulau Laut Utara, Ipda A. Rifani mehabar akan, bubuhan Polsek sudah menangkapi bubuhan maling itu, ada 6 ikung; MM (21), MHR (17), MA (20), DAP, wan Oky. ©Jurnalisia™
Jurnalis : Agus Ariyanto
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.