Kotabaru,Jarijin basusun di SPBU, baisi minyak jenis Pertalite, rasanya sudah biasa banar kita lihat.
Malangsir, palangsiran, sambatannya di wadah kita ini. Banyak nang malangsir minyak di SPBU, kada cuma Pertalite tagal jua jenis minyak nang lain nang kaya Pertamax wan Solar.
"Handak dibawa kemana jarijin banyak nang baisi ini ?" takun media ini ke nang bagawi di SPBU di Lontar Pulau Laut Barat Kotabaru.
"Gasan dibawa ke Tanjung Lalak, babagi disana," sahut nang bagawi di SPBU itu.
Kaya itu pang amun Pemerintah cuma kawa maulah SPBU di kecamatan haja, itu gin ai kada sabarataan kecamatan ada SPBU alahan pulang am di desa.
Bubuhan pelangsiran nang menukar minyak gasan dibawa, dijual wan dibagi akan ke bubuhan di desa; kada kawa jua balalu langsung disalah akan, kecuali pemerintah maulah SPBU di barataan desa, maka kawa dipasti akan pacang kadada lagi nang malangsir.
Pertamina pasti kada pacangan kawa maulah SPBU di barataan desa. Maulah nang ngaran Pertashop haja gin ai kada di barataan desa. Makanya am bubuhan petugas jangan dahulu satangkap-tangkap wan palangsiran, takuni bujur-bujur gasan nang apa wan pacangan dibawa kemana. ©Jurnalisia™
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.