Tanah Bumbu,Membasuh sepeda motor di pembasuhan tagal kuncinya ditinggal di sepeda motor alias kada dibawa, pas didatangi handak diambil, sekalinya sepeda motor sudah kadada di pembasuhan.
Kaya ini kisahnya, Acil Paridah (34), warga Desa Gunung Antasari Kecamatan Simpang Empat Tanah Bumbu ini ma'antar Honda Scoopy ke pembasuhan Ridha nang ada di Jl. Kodeco Pal 2 Desa Gunung Antasari, Sabtu (02/09/23) sekira jam 15.30 WITeng.
Imbah ma'antar sepeda motor itu si Acil Paridah ini bulik ai sidin ke rumah pahadangan sepeda motor dibasuh. Sekira jam 15.30 WITeng si Acil Paridah tulak handak ma'ambil sepeda motor sidin itu. Bada'alah sepeda motor sidin sudah kadada lagi di pembasuhan. Maraga kehilangan sepeda motor itu Acil Paridah rugi Rp 18 juta, padahal sepeda motor itu ampun laki sidin.
Merasa kehilangan sepeda motor Acil Paridah wan laki sidin nang bangaran Amang Muhaimin (58) melapor ke Polsek Simpang Empat
Nah, pada hari Ahad (03/09/23), bubuhan Buser Polres Tanah Bumbu menangkap wan ma'aman akan nang dicurigai jadi malingnya di bengkel nang ada di Desa Sarigadung, pelakunya ini ngarannya kita sambat haja MM (29), warga Desa Sarigadung. Labar am si MM ini diambili bubuhan Unit Reskrim Polsek Simpang Empat. ©Jurnalisia™
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.