Kotabaru,Kepala Kejaksaan Negeri Kotabaru, Muhammad Fadlan SH wan bubuhan Pejabat Utama Kejari mailangi Guru Mufran atau Guru Pantai di rumah sidin di Desa Pantai Kecamatan Kelumpang Selatan, Sanayan semalam (25/09/23).
Umpat jua di rombongan Kajari itu Kasi Intel, M. Fikri Nuriana, hadir jua Camat Kelumpang Selatan, Akhmad Mawardi, S.Ag, Kepala Dinas Perikanan dan Kelautan, Johanudin, wan PPL Perikanan Khairamansyah, S.Pi.
Kajari Kotabaru wan rombongannya itu mailangi Guru Pantai sagan basilaturahmi. Banyak papadah nang disampai akan Guru Pantai ke Kajari.
“Sidin bapasan supaya tetap menjaga persatuan wan kesatuan supaya di daerah Kotabaru damai,” ujar Kajari.
Di kesempatan itu bubuhan Kejari jua minta doa ke Guru Pantai supaya diberi kesehatan wan kekuatan dalaman batugas di Kabupaten Kotabaru. Baharap silaturahmi wan Guru Pantai wan bubuhan Tuan Guru nang lain jua balanjut. ©Jurnalisia™
Jurnalis : Agus Ariyanto
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.