Tanah Bumbu,Sakadanya ada 100 bubuhan warga di intangan Pantai Pagatan Kecamatan Kusan Hilir Tanah Bumbu; kawa batatamba kada babayaran alias garatis di Puskesmas Pagatan.
Batatamba'an garatis itu gawian bubuhan Lanal Kotabaru melalui Tenaga Kesehatannya nang dibantu bubuhan Tenaga Kesehatan Puskesmas Pagatan.
Salain itu bubuhan Lanal Kotabaru sekaligus Tanah Bumbu ini jua babagi paket Sembako ke bubuhan warga nang bagana di pasisir laut.
Gawian sosial itu dalaman rangka memperingati HUT TNI AL ke 78 tahun 2023 oleh Expedisi Maritim nang dibagi jadi 2 kelompok ya itu Kelompok Habang wan Kelompok Putih.
Nah, Kelompok Putih ini tulak matan Pontianak Kalbar ke Pagatan nang disambut oleh Danlanal Kotabaru Letkol Laut (P) Hapsoro A.P, SH, M.H,CHRMP di Tugu Pahlawan 7 Pebruari Pagatan.
Tim Habang tulak matan Nunukan Kaltara, kaina ke 2 kelompok ini batmanuan di Balikpapan, atawa pas-nya di IKN wayah puncak peringatan HUT TNI AL kaina tanggal 10 September 2023. ©Jurnalisia™
Jurnalis : Agus Ariyanto
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.