Kotabaru,Bubuhan Lanal Kotabaru babarasih sungai di Kampung Bahari Nusantara (KBN) di Desa Sarangtiung Kecamatan Pulau Laut Sigam, hanyar-hanyar ini.
Umpat jua membantu babarasih itu bubuhan tentara Kodim 1004, Polres Kotabaru wan bubuhan orang kampung disana.
Gawian babarasih sungai ini ada jua temanya; "Dengan Semangat Jalesveva Jayamahe Terus Melaju Untuk Indonesia Maju".
Gawian dimulai wan video conference atawa bapandiran kawa balilihatan di pidio nang dipimpin oleh KSAL, Laksamana TNI Muhammad Ali nang ma'amanahi bubuhan TNI AL se Indonesia'an.
Program Kali Bersih (Prokasih) nang digagas oleh TNI AL wan meumpat akan instansi wan bbuhan masyarakat lainnya gasan melindungi wan manangat kerusakan lingkungan di intangan tawiringan sungai.
Prokasih ini diharap akan kawa mendidik masyarakat supaya kada membuang ratik di aliran sungai supaya kada mmenimbul akan bencana nang kawa merugi akan masyarakat saurang alahan nang bagana di intangan tawiringan sungai.
Prokasih 2023 nang digawi baimbaian se Indonesia'an oleh bubuhan TNI AL ini dalaman rangkaian HUT ke 78 TNI AL. ©Jurnalisia™
Jurnalis : Agus Ariyanto
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.