Kotabaru,Bantuannya memang kada seberapa banyak pang, tagal malaran ai gasan menanambahi modal usaha; ujar Bupati Kotabaru, Said Jafar wayah manjulung bantuan ke 15 bubuhan pelaku UMKM, di Desa Teluk Gosong Kecamatan Pulau Laut Timur, belum lawas ini.
"Guna akan bujur-bujur bantuan nang diterima ini matan pemerintah gasan menambahi pahasilan wan meningkat akan ekonomi masyarakat," pesan Bupati ke bubuhan nang bauntung dapat bantuan.
Ujar Bupati, pantai di Desa Teluk Gosong ini tamasuk satu wadah nang bagus diharagui baik-baik nang kaya pantai Darangtiung, Teluk Tamiyang atawa pesisir nang ada di tanah Saijaan ini.
Sidin jua baharap sesuai harapan masyarakat kawa jadi pahatian barataan gasan memaju akan wisata di banua ini.
Wayah ini amun bajalanan atawa bakunjangan ampah ke Berangas Pulau Laut Timur, pasti malalui pantai di Desa Teluk Gosong, pina rami sudah di intangan pantai bubuhan masyarakat membuka usaha gasan menambahi pancarian. ©Jurnalisia™
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.