Tanah Bumbu,Kada kurang-kurang usaha Pemerintah manangati jua supaya jangan ada lagi bubuhan nang ma'obat atawa manyabu di Tanah Bumbu, nang bilang handak saban hari batangkapan bubuhan panyabuan.
Polres Tanah Bumbu sampai-sampai ma'ulah nang dingarani Kampung Bebas Narkoba, utamanya di wilayah Kecamatan Simpang Empat nang penduduknya paling banyak di Tanah Bumbu.
Desa Plajau Mulia, desa hanyar ini diulah jadi Kampung Bebas Narkoba oleh Polres Tanah Bumbu wan Polsek Simpang Empat, andakannya di Komplek Sabar Subur di intangan Jl. Transmigrasi Plajau.
Jangan salah sangka, jangan dikira Kampung Bebas Narkoba ini kampung nang mamboleh akan bahimat ma'obat atawa manyabu, tagal dijadikan contoh jadi kampung nang kadada lalu orang nang ma'obat atawa manyabu.
Ma'ulah Kampung Bebas Narkoba ini jua sesuai Parintah Parsidin wan Kapolri, jadi kada asal baulah haja.
Kenapa maka dipilih Desa Plajau Mulia ini, maraganya desa nang pecahan Desa Barokah ini; rawan tindak pidana. Desa Plajau Mulia ini jadi desa nang paling banyak tindak pidananya se Tanah Bumbu. ©Jurnalisia™
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.