Kotabaru,Wadah bawisata di Siring Laut Kotabaru ini pasti sudah banyak nang tahu utamanya bubuhan Urang Banua Kalsel. Andakannya dalam kota nang menjadi ibukota Kabupaten Kotabaru.
Tagal jangan salah kira di Siring Laut itu rami tatarusan. Amun handak jua ke Siring Laut itu mulai rami wayahnya imbah tangah hari atawa mahadap kamarian sampai malam.
Amun datang kesana wayah baisukan alahan pulang amun sungsung banar; kada rami, sunyi alias hinip kadada'an umatnya.
Bubuhan nang biasa bajualan disana haja amun baisukan ada nang landung hanyar buka, kebanyakan sakira jam 09.00 WITeng baisukan hanyar bubuhan bajualan itu buka'an.
Amun wayah baisukan ada jua rami, itu biasanya ada acara bubuhan pegawai, bubuhan Pemkab nang kantornya bahadapan wan Siring Laut.
Nah, paham kalu sudah wayah apa amun handak ke Siring Laut. ©Jurnalisia™
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.