Kotabaru,Gasan mendukung program inovasi problem solving atawa hal-hal hanyar pemecahan masalah Pemeliharaan Keamanan dan Ketertiban Masyarakat (Harkamtibmas) Mabes Polri, Satuan Samapta Polres Kotabaru ma'ada akan kegiatan nang dingarani SIKOBA NGOBRAS nang kepanjangannya yaitu Polisi Kotabaru Ngobrol Santai bersama warga.
Memulai kegiatan SIKOBA NGOBRAS ini Satuan Samapta Polres Kotabaru dipimpin langsung Kasat Samapta, AKP Suroto, mendatangi bubuhan warga di Desa Rampa Kecamatan Pulau laut Utara, Arba (09/08/23).
Wayah di Desa Rampai itu Kasat Samapta bapandiran santau wan Pambakal (Kades) wan jua beberapa Ketua RT disana.
"Di Rampa Berkah rancak ada orang bamaukan matan luar kampung wan basepeda motor ngebut, banyak warga nang tajarat hutang ke rentenir wan adakah perlindungan hukumnya gasan warga bila menangkap orang mauk," Abdul Ghafur, Ketua RT 02 bakisah ke bubuhan Polisi.
"Supaya meningkat akan Pos Kamling di tiap RT, Patroli Anggota Samapta Polres kaina kami maksimal akan ke ampah Desa Rampa khususnya pada malam hari, wan ulun imbau supaya masyarakat jangan main hakim saurang, bakoordinasi wan aparat wayah menemukan pelanggaran," ujar AKP Suroto.
Amun masalah banyak warga nang tajarat rentenir ujar AKP Suroto, supaya Aparat Desa wan Ketua RT mamadahi warga jangan pina hidup haran, ba'imit, biasakan manabung wayah musim iwak. Pambakal kawa maulah koperasi nelayan gasan membantu keperluan warganya. ©Jurnalisia™
Jurnalis : Agus Ariyanto
*Isi Berita Pakai Dialek Kuala
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.