Kotabaru,Bubuhan warga di J. Mega Indah Desa Semayap Kotabaru gigir dapatnya ada ditemu akan mayat bibinian di dalam rumahnya, kejadiannya Selasa (08/08/23) semalam.
Mulainya ketahuan waktu Ketua RT 07 Desa Semayap, Akhmad Fajeri menerima laporan warganya supaya memeriksa ke rumah warga bibinian itu, maraganya waktu malamnya kira-kira jam 22.00 WITeng bubuhan jiran mendengar ada suara kuciak matan dalam rumah binian itu.
Binian nang meninggal dalam rumah itu saban harinya bagawi jadi pembantu rumah tangga; kadada talihat (cungul) ke luar rumah seharian.
Didangani Kepala Dusun, Setiyo, Ketua RT bawani memasuki rumah binian itu sakira jam 14.30 WITeng, wan tatamu bibinian itu sudah kada bahinak alias meninggal. Saksi langsung melapor tamuan itu ke Polres Kotabaru gasan dipindahkan wan ditangani selanjutnya.
Polisi tatamu ada 2 ponsel, tatamba wan botol minyak kayu putih di intangan awak bibinian nang meninggal itu. Mayat itu diselidiki bubuhan Polisi gasan mengetahui maraga napa bibinian itu meninggal. ©Jurnalisia™
Jurnalis : Agus Ariyanto
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.