Religi,Bubuhan orang kapir sasain wani baulah parigal utamanya nang di luar negeri, manyalukut Alquran, kitab suci bubuhan nang ba'agama Islam.
Misal haja nang manyalukut Alquran di Swedia, negara di Banua Eropa sana; dihija akan haja jua oleh bubuhan Polisi disana, maklum haja pang di Swedia itu banyak Orang Karastin.
Salwan Momika, lakian asal Irak ini liwar waninya manimbai, mayipak wan manyalukut Alquran di hadapan orang banyak di Swedia, maka dijagai oleh bubuhan Polisi disana supaya jangan ada nang mahalangi gawian kada sampuraka itu.
Balain wan di Rusia, sama haja jua pang di negara ini gin ai banyak orang Karastin jua, tagal Pemerintah disana kada hakun malihat akan wan ma'ija akan orang nang manyalukut Alquran; pacangan dihukum.
Sudah ada kejadian disana, saikung warga Kota Volgograd bangaran Nikita Zoravel nang manyalukut Alquran; ditangkap Polisi balalu dimasuk akan ke penjara. Wayah tahu ada nang manyalukut Alquran itu Parsidin Rusia, Vladimir Putin langsung manyuruh Polisi menangkap nang manyulukut itu.
Ujar Kantor Berita Rusia, TASS, si Nikita nang wani manyalukut Alquran itu wayah ditakuni kenapa manyalukut Alquran; inya mengaku diupahi 10 ribu Rubel oleh Badan Intelijen Ukraina. Han tiya, sekalinya ada nang manyuruh; musuh Rusia nang wayah ini rahatannya disarang oleh tentara Rusia. ©Jurnalisia™
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.