Tanah Bumbu,Disuruh ma'ambil Sabu 1 paket oleh nang bangaran Upis (Daftar Pencarian Orang), nang bangaran Supian alias Usup (40), warga Desa Sungai Danau Kecamatan Satui ini maka hakun, kaputingannya tatangkap Unit Reskrim Polsek Satui.
Sabu nang jadi barang buktinya 1 paket kira-kira baratnya 0,38 gram. Tatangkapnya di intangan di Jl. SMP Gg. Murya RT 02 Desa Barakat Mufakat Kecamatan Satui, pada Arba (16/08/23) kira-kira jam 20.00 WITeng.
Kisahnya ini bubuhan Polisi dapat informasi nang manyambat di intangan kejadian itu rancak ada nang bajualan Sabu. Imbah dapat informasi Polisi balalu mendatangi intangan dimana rancak jadi wadah bajualan Sabu itu.
Polisi langsung menangkap Pelaku nang rahatan mencari paketan Sabu nang istilahnya pakai sistim ranjau, Sabu itu diandak dalam kotak gula'an merk Go Fresh warna ungu. Imbah itu si Usup ini dibawa ke Polsek Satui. ©Jurnalisia™
*Isi Berita Dalam Dilaek Kuala
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.