Tanah Bumbu,Liwar ba'abutan, ribut, batawakan, wan bunyi maladum.
Bubuhan Polisi kada kasimbahan melawani bubuhan warga nang hamuk maraga kada terima hasil pahitungan suara Pemilu. Bubuhan warga nang kada terima itu menawaki bubuhan polisi wan macam-macam tamasuk manawak wan laduman.
Kukus jabul maraga bubuhan warga nang hamuk itu manyalukut ban motor.
Bubuhan Polisi nang jadi sasaran hamuk warga nang mencari Ketua KPU nang kadada bangsul ikungnya. Bubuhan Polisi maka am sampai menurun akan motor nang kawa manimbak wan banyu (water canon), tagal bubuhan warga tetap haja mucil menyerang bubuhan Polisi nang membawa pentungan wan senjata. Pina kadada takut-takutnya bubuhan warga menyuara akan kada terima hasil pahitungan suara Pemilu.
Kejadian di atas itu nang kaya bubujuran, kaya nyata banar, padahal itu cuma latihan kaya apa bubuhan Polisi mahadapi amun kaina bujur-bujur kejadian pas Pemilu 2024 di hadap.
Simulasi ujar bubuhan wayah ini, tagal bubuhan Polres Tanah Bumbu dasar bujur-bujur profesional, makanya am kaya bubujuran.
Sabak wan ratik jua babanyu halaman Polres Tanah Bumbu, Arba (30/08/23), tadapatnya dipakai gasan simulasi nang dihadiri wan ditonton langsung oleh Kapolres Tanah Bumbu, AKBP Tri Hambodo, SIK wan jua bubuhan pejabat matan babagai instansi. ©Jurnalisia™
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.