Tanah Bumbu,Panyabuan pulang nang ditangkap Satresnarkoba Polres Tanah Bumbu, ngarannya Adi Rosadi (31), warga Desa Sungai Danau Kecamatan Satui.
Wadah kejadian ditangkapnya di rumah nang ada Jl. Simpang Sumpol Desa Makmur Mulia. Barang bukti nang didapat Polisi ada 3 paket Sabu nang baratnya 0,33 gram, wan barang bukti nang ada kaitannya wan Panyabuan itu, ada jua duit kontan Rp 1 juta.
Kaya biasa, Polisi dapat informasi matan warga kampung nang manyambat rancak ada nang bajualan Sabu. Polisi balalu menyelidiki informasi matan warga itu. Kaputingannya Selasa (08/08/23) kira-kira jam 21.30 WITeng, Polisi bahasil ma'aman akan si Adi Rosadi itu.
Si Panyabuan wan sabarataan barang bukti dibawa ke Polres Tanah Bumbu gasan diproses hukum lebih lanjut. ©Jurnalisia™
*Isi Berita Dalam Dialek Kuala
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.