Kotabaru,Babisa-bisa saurang haja.
Pinanya kaya itu pang nang diulah wan digawi bubuhan warga di Desa Teluk Tamiyang Kecamatan Pulau Laut Tanjung Selayar, desa nang menjadi tujuan wisata di wilayah Kabupaten Kotabaru.
Pemkab Kotabaru liwar aur maurusi wisata nang ada di intangan ibukota kabupaten haja, kada taharungi lagi wan nang lain nang kada kalah jua bagus wan banyak pengunjungnya nang kaya Pantai Teluk Tamiyang itu.
Bubuhan warga disana maulah saurang gasan paguringan bubuhan pengunjung alias penginapan, bamodal saurang, maulah warung wan napa-napa keperluan pengunjung wan modal saurang. Kaya itu jua pinanya urusan membagusi pantai, digawi wan dimodali saurang, kada kawa baharap bantuan Pemerintah.
Wayah ini pina talihat babagus pang Pantai Teluk Tamiyang ini, tagal jalannya haja masih nang liwar karutuyan belum ba'aspal. Kasian haja pang bubuhan pengunjung amun ampah ke Teluk Tamiyang, tahunjal-hunjal di atas sepeda motor wan di dalam motor. Sabar ai, Pemkab kikira belum ma'anggap penting tujuan wisata kesana wayah ini, kada tahu am amun kainanya beberapa tahun lagi. ©Jurnalisia™
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.