Tanah Bumbu,Sasain barami, maraga sasain banyak nang datang bagana, alahan lagi masih banyak tanah nang puang beluman ditajaki rumah atawa bangunan.
Dahulu bangaran Pondok Buton, matan bahari orang disana mangarani. Sempat jadi Desa Pondok Buton, imbah itu maraga dijadi akan kelurahan balalu baganti ngaran jadi Gunung Tinggi, kadada nang tahu pang dimana gunungnya ba'andak.
Tarang amun malam, kada kaya wayah masih jadi desa. Jalanan baligar jadi 2 jalur, maraganya jadi pusat pemerintahan kabupaten dimana sabarataan matan kantor bupati sampai kantor bubuhan dinas andakannya di Gunung Tinggi ini.
Amun bakisah pasti panjang kisahnya, pembangunan terus ai di Gunung Tinggi ini; membangun gedung di parak kantor bupati sing ganalan, ma'aspal jalur jalan di muka pakantoran bupati. Nang hanyar pas rahatannya dibangun wayah ini ya itu bundaran.
Nang tadahulu sudah ada ngarannya Bundaran KB, tagal nang rahatan dibangun ini bundaran ganal, biayanya gin ai taumpat ganal; lebih Rp 6,3 milyar. Amun nang hanyar-hanyar ini ada melwwati Gunung Tinggi ampah ke Sepunggur atawa sebaliknya; pasti batamuan wan bubuhan nang rahatan menggawi bundaran itu. Pacang kada lawas bundaran itu tuntung digawi, maraganya waktu menggawinya sekira 5 bulanan haja atawa 150 hari. ©Jurnalisia™
*Isi Berita Dalam Dialek Kuala
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.