Tanah Bumbu,Kadada nang digawi, bajualan Sabu ai, ka'imbahannya ditangkap Polisi.
Satresnarkoba Polres Tanah Bumbu imbah ma'aman akan saikung Panyabuan bangaran Ahmad Rauzi (35), lakian, kada bagawi, warga Desa Bati-Bati Tanah Laut.
Ahmad Rauzi ditangkap Polisi di rumah di Desa Angsana kira-kira jam 00.40 WITeng, Jumahat (04/08/23).
Mulanya papadah bubuhan warga disana, pina rami ada nang bajualan Narkoba, balalu Tim Opsnal Satres Narkoba Polres Tanah Bumbu manyalidikinya. Pas rahatan duduk di rumahnya Ahmad Rauzi digagai bubuhan Polisi, labar am tadapatnya 5 paket Sabu baratnya 5,83 gram diandak dalam kadut kain warna hirang.
Salain tadapat Sabu, bubuhan Polisi jua tadapat duit Rp 500 ribu wan barang bukti lainnya. Ahmad Rauzi imbah itu dibawa ka Polres Tanah Bumbu pacangan dipariksa. ©Jurnalisia™
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.