Tanah Bumbu,Kejadian sepeda motor kada dikunci satang, ditinggal akan sambahiyang, pas imbah sambahiyang sepeda motor kadada lagi talihat di halaman masigit.
Kisahnya sidin ini nang bangaran Muhisan (56), warga Desa Bersujud Kecamatan Simpang Empat Tanah Bumbu, basepeda motor tulak sambahiyang subuh ke masigit Ar-Raudah Wardatul Arsad di intangan Lapangan 5 Oktober Desa Bersujud, Jumahat (04/08/23).
Marasa sepeda motor hilang, ampunnya ini melapor ke Polsek Simpang Empat. Nang hilang itu sepeda motor Yamaha Mio Sporty DA 6268 ZO.
Pada hari Arba (16/08/23), Polsek Batulicin ma'aman akan lakian bangaran Ari atawa ASP (25), warga Desa Sungai Pasir Kecamatan Pulau Laut Tengah Kotabaru. Polisi manakuni si Ari wan memeriksa sepeda motor nang dipakainya. Ketahuan am sepeda motor nang dipakai Ari kada lain sepeda motor cuntanan nang hilang di halaman masigit Ar-Raudah Wardatul Arsad.
Polsek Batulicin balalu mahubungi Polsek Simpang Empat, nang balalu ma'ambili si Ari gasan dibawa ke Polsek Simpang Empat gasan diperiksa wan diproses hukum.
©Jurnalisia™
*Isi Berita Dalam Dialek Kuala
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.