Kotabaru,Malaran lawas kada bajanguk ke wadah wisata Pantai Teluk Tamiyang di wilayah Kecamatan Pulau Laut Tanjung Sel;ayar Kotabaru, sangka'an tadi jalan kesana sasain babaik, sekalinya tetap haja kadada perubahan alias kaka'itu haja.
Jalanan ke Teluk Tamiyang masih kada bagus, balubak, baluman ba'aspal, badabu amun hari panas, balicak amun musim hujan.
Ada pang pinanya bekas babaik, tagal jalanan nang ampah ke perusahaan haja, nang ampah ke Teluk Tamiyang pinanya beluman talihat tanda-tanda pacangan dibaiki alahan lagi dibagusi, padahal APBD Perubahan Pemkab Kotabaru di 2023 ini batambah sakira satangah tarilyun rupiah.
Nang talihat amun memasuki jalanan ampah ke Teluk Tamiyah ya itu ada membangun jembatan beton, biayanya amun melihat pelang ngaran proyek itu lebih Rp 1,1 milyar, malaran ganal jua biayanya.
Kontraktor nang manggawi jembatan itu CV Telaga Biru, sesuai rencana jembatan itu sudah pacangan tuntung bulan Desember 2023 di hadap ini, proyek ini ampunnya Dinas PUPR Kabupaten Kotabaru. ©Jurnalisia™
*Isi Berita Dalam Dialek Kuala
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.