Kotabaru, Gubarnur Kalsel, Sabirin Noor wan Wakil Ketua Komisi II DPRD Propinsi Kalsel, M. Yani Helmi, jua Sekdaprop Kalsel, barumbungan mandatangi SMAN 2 Kotabaru, Ahat Kamarian (060/8/23).
Kadatangan rumbungan Turdes alias turun ke desa ini disambut Pemkb Kotabaru nang diwakili oleh Asisten II Setdakab, Drs. Murdianto, Unsur Muspida, Camat, SKPD, bubuhan Pambakalan, bubuhan Kepala Sekolah jua nang lainnya.
Ujar habar ada 4 misi nang dibawa rumbungan Turdes ini; pengentasan stunting (kada hakun baganal, bangking) , penurunan angka inflasi, perekaman data pemilih pemula gasan Pemilu 2024 wan pananaman pohon gasan program revolusi hijau.
Gubarnur Kalsel manyambat, tingginya prevelansi stunting maulah hara bangsa ini. Tagal pang ai Pemerintah Pusat bagawi basama'an wan Pemprop Kalsel jua Pemkab/Pemko saing bagawian supaya stunting ini turun alias kada banyak lagi.
“Alhamdulillah wayah ini prevelansi stunting kita sudah mulai mambaik,” ujar Gubarnur.
Salain itu inflasi disambat jua, ini gawian rumah Pemerintah wayah ini. Alahan pulang, iwak haruan (gabus) nang rancak jadi makanan khas orang Banua haja sawat takana inflasi.
“Sama kaya lumbuk, bawang wan lainnya. Kada maraga kita kada baisian lahan, tagal parmasalahan lain kaya distribusi wan lainnya,” ungkai Gubarnur.
Sidin jua ma'ingat akan bubuhan nang anum-anum khususnya nurid sekolah supaya kaina umpat jua mamilih di Pemilu 2024.
“Itu am maraganya kita dalam Turdes ini jua mamasti akan parakaman KTP elektronik bajalan baik. Wan sapanjangan wilayah nang kami singgahi, palaksanaannya sabarataan sudah liwar bagus,” ujar Gubarnur pulang.
Sementara itu, Kepala Sekolah SMAN 2 Abdul Gafur. Mpd mengatakan
“Kami liwar basyukur kadatangan Gubarnur wan rumbungan di sakulahan kami wan bamalam disini. Bahara dibari kasihatan tarus nang baik wan kawa tarus jua malayani masyarakat Kalsel," Kapala SMAN 2 Kotabaru, Abdul Gafur, M.Pd bapandir.
Rahatan kagiatan itu Gubarnur jua mambari 9 macam bantuan ke warga masyarakat wab buhuhan murid sakulah, nang kaya tablit tambah darah gasan bubuhan binian anum, pakit makanan tambahan gasan Balita wan nang batianan, paung puhun, wan jua bandira merah putih gasan mendukung program pembagian 10 Juta Bendera Merah Putih.
Rumbungan Turdes jua Desa Rampa Kecamatan Pulau Laut Utara wan Desa Tirawan, Gunung Sasapit Kecamatan Pulau Laut Sigam. ©Jurnalisia™
Jurnalis : Agus Ariyanto
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.