Jakarta,Kada karasa'an pang sasain hari sasa'in parak Pemilu wan Pamilihan Parsidin di wadah kita ini. Nang pina mulai rami itu pamandiran wan perkiraan siapa nang pacangan jadi Parsidin di 2024 di hadap kaina.
Ada 3 ikung pang pacangan Parsidin nang pina rancak wan rahat dipadir akan banyak orang, nang saikung kadada lain pada Ganjar Pranowo, nang wayah ini masih jadi Gubernur di Jawa Tengah. Sidin ini rajin wan saing kesana kemari balalah wan bakunjang mendatangi bubuhan warga dimana-mana daerah supaya bakatahuan wan bubuhan nang pacangan jadi pamilihnya kaina di Pilpres 2024.
Nang jua rami, survei perkiraan siapa nang pacangan banyak dipilih kaina. Survei ini nang manggawi kadada lain bubuhan lembaga nang sudah dasar baisi pengalaman di urusan nang itu.
Hanyar-hanyar ini ada 2 lembaga survei nang ma'andak Ganjar Pranowo paling banyak pacangan dipilih kainanya jadi Parsidin, ya itu Litbang Kompas wan Indikator.
Hasil survei matan tanggal 15 sampai 21 Juli 2023, sesuai survei Indikator; Ganjar Pranowo dapat 35,2 parsin, sedangkan Litbang Kompas 34,1 parsin, 2 ikung pacangan Parsidin nang lainnya dapat parsin di bawah Ganjar Pranowo; ya itu Prabowo Subianto 33,2 (Indikator) wan 31,3 (Litbang Kompas), wan Anies Baswedan 23,9 (Indikator) wan 19,2 (Litbang Kompas).
Nang perlu dikatahuwani adalah itu barataan hasil survei, nang belum tentu bujuran pas, bisa jua bujur tagal salah gin bisa jua, ngarannya gin ai survei. ©Jurnalisia™
*Berita Dalam Dialek Kuala
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.