Imbah jua ditangati supaya kada mandulang, ada haja nang kada pa'asian, tetap mandulang amas di wilayah nang tamasuk Polsek Sungai Durian Kotabaru.
Padahal di wadah bubuhan pandulangan amas itu suah bamatian maraga tatimbun karumbihan tanah pandulangan.
Bubuhan Polsek Sungai Durian ma'aman akan saikung pandulang amas nang kada ba'ijin di Desa Buluh Kuning, tamasuk jua ada barang bukti ta'umpat jua diaman akan.
Kapolres Kotabaru, AKBP Dr. Tri Suhartanto, SH, MH, M.Si melalui Kapolsek Sungai Durian Ipda Tri Wibawa, mamadah akan nang mandulang amas itu manggawi tindak pidana mandulang kada ba'ijin alias ilegal.
Ujar sidin pulang, si pandulang itu bangaran AJ (62), warga Desa Buluh Kuning Kecamatan Sungai Durian itu diaman akan rahatan bubuhan Polsek ma'ada akan rajia Operasi Intan 2023, pada Arba (23/08/23) sakira jam 12.00 WITeng, di wilayah wilayah Gunung Liat nang masih dalam ijin konsesi PT Pelsart Tambang Kencana.
Barang bukti nang diaman akan ya itu 1 gulungan pipa karet warna biru, 1 mesin diesel merk Dong Feng, 1 mesin pompa air merk NS warna habang, 4 karpet wan 1.500 karung tanah wan pasir nang ada amas-nya. Jurnalisia
Jurnalis : Agus Ariyanto
*Isi Berita Dialek Dalam Kuala
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.