Tanah Bumbu,Untungnya kada bamatian, baluka-luka tagal kada bangat.
Sasama mutur damtrak, sama pada kuning ha pulang kalirnya; barumpak; Nopol H 8904 SM wan DA 8262 LF. Kajadiannya di Desa Betung Kecamatan Kusan Hilir, Sabtu (05/08/23).
Supir nang barumpak mutur damtrak nintu bangaran Rahmani (35), warga Kintap Tanah Laut, wan saikungnya bangaran Susanto (27), warga Kintap jua sanak ai.
Ujar bubuhan Patugas Polisi Unit Laka Satlantas Polres Tanah Bumbu, mutur damtrak nang disupiri Rahmani datang matan Batulicin manuju ampah ka Banjarmasin, kada pati laju tagal kaluar pada jalur subalah kanan makanya am marumpak mutur damtrak nang disupiri Susanto nang datang matan ampah balawanan.
Bujur kada bamatian tagal tatap rugi, ditaksir karugian maraga barumpakan nintu sekitar Rp 5 juta. ©Jurnalisia™
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.