Tanah Bumbu,Kadada hintat-hintatnya bubuhan panyabuan ni. Ditangkap saikung, nang lain pulang maumpati. Bilang handak saban hari Polisi manggalahi bubuhan panyabuan ini.
Satresnarkoba Polres Tanah Bumbu imbah pulang ma'aman akan saikung panyabuan bangaran Ahmad Jul Fahmi Nandar (30), buruh harian lepas, warga Kelurahan Batulicin Tanah Bumbu.
Panyabuan ini tatangkapnya di muka Pasar Ampera Kelurahan Tungkaran Pangeran Kecamatan Simpang Empat.
Kisahnya Tim Opsnal Polres Tanah Bumbu bapatroli, curiga wan ada orang lalu di pinggir jalan di muka Pasar Ampera. Balalu bubuhan Polisi ini mendatangi wan manggagai orang itu nang kada lain si Ahmad Jul Fahmi Nandar ini. Tadapatlah Polisi ini pipet kaca. Imbah dianyaki, orang ini mengaku masih menyimpan Sabu di rumahnya di Desa Banjarsari Kecamatan Angsana.
Dibawa bubuhan Polisi am ke Desa Banjarsari, sampai di rumahnya, orang ini maungkai akan Sabu 10 paket nang beratnya 29,35 gram nang disimpan di dalam kamarnya.
Pelaku wan sabarataan barang bukti nang lain dibawa ke Polres Tanah Bumbu. ©Jurnalisia™
*Isi Berita Dalam Dialek Kuala
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.