Tanah Bumbu,Parai am, kada jadi rapat paripurna di DPRD Kabupaten Tanah Bumbu, ditunda, Sanayan (07/08/23).
Maraganya Pajabat nang panting kaya Bupati, Wakil wan Sekdakab kadada datangnya mahadiri rapat gasan manikin KUA-PPAS (Kebijakan Umum Anggaran Perubahan Plafon Anggaran Sementara).
Rapat dibuka wan dipimpin langsung oleh Katua DPRD Kabupaten Tanah Bumbu, Andrean Atma Maulani, SH digani'i wan Wakil, Sayid Ismail Kholil Alydrus wan Agoes Rakhmady, sadangkan matan Pemkab Tanah Bumbu diwakili oleh Asisten III Setdakab, Andi Aminuddin.
Pimpinan rapat minta pandapat bubuhan angguta DPRD nang hadir; rapat ditarus akan atawa ditunda, sabarataan minta supaya ditunda haja ke isuk.
Ujar Sayid Ismail, sasuai Tata Tertib (Tatib) DPRD; nang musti hadir manikin itu bila kada Bupati, Wakil atawa Sekdaka. Maraganya nang hadir Asisten III, makanya am rapat ditunda.
Habarnya Bupati wan Sekdakab kadada hadir itu sidin-sidin ada tugas ke luar dairah, sadangkan Wakil Bupati masih batatamba maraga imbah garing. ©Jurnalisia™
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.