Kotabaru,Bubuhan Wartawan di Kotabaru nang tagabung di wadah Persatuan Wartawan Indonesia atawa PWI wan bubuhan warga masyrakat di Desa Rampa Kecamatan Pulau Laut Utara, babarasih ratik nang banyak di intangan desa itu.
Babarasih ratik itu di RT 17 diumpati jua oleh Bhabinkamtibmas, bubuhan relawan, wan Petugas Dinas Lingkungan Hidup.
Kada pakai napa-napa, pakai tangan wara, ratik dibuat ke dalam karung imbah itu diangkut pakai kendaraan roda tiga dibuang ke wadahnya nang samustinya gasan wadah ratik.
Ujar Ardiansyah, Sekretaris PWI Kotabaru, bubuhan inya umpatan babarasih ratik itu sebagai ujut mahirani ke lingkungan, alahan lagi Desa Rampa itu jadi tujuan wisata ya itu Rampa Berkah.
Ujarnya pulang, bubuhan warga imbah itu jangan lagi mambuang ratik sembarangan asal timbai haja ke laut atawa ke bawah barumahan, supaya barasih lingkungan. ©Jurnalisia™
Jurnalis : Agus Ariyanto
*Isi Berita Dalam Dialek Kuala
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.