Tanah Bumbu,"Kadada marasa pang nah," ujar warga nang bagana di Batulicin wayah ditakuni adakah merasa rumah baguyang maraga gempa nang nang dihabar akan oleh Badan Meteorologi, Klimatologi dan Geofisika (BMKG).
Warga nang lain nang bagana di Batulicin atawa Simpang Empat Tanah Bumbu gin ai baucap kadada merasa ada gempa.
"Amun gempa lokal nang diulah saurang bisa ai ada," ujar warga nang biasa bagaya sambil akurihing.
BMKG melalui akun Medsos-nya sebelumannya mahabar akan ada gempa di perairan wilayah Kalsel nang kekuatannya magnitudo 7,4 Skala Richter, tagal gempa ini di dalam laut atawa dalam banyu di kedalaman 10 pal.
Cocok haja pang amun kadada kerasa'an gempa amun di kedalaman 10 pal, kada talihat jua buriniknya. Tagal ujar BMKG pulang gempa itu kada pacangan maulah tsunami atawa gelombang ganal.
Biar kadada kerasa'an gin ai warga musti bahati-hati jua kalu pina kainanya ada gempa susulan, dipadahi amun ada gempa, bubuhan warga jangan abut, tenang haja, keluar pada rumah, cari tanah lapang nang kadada bangunan atawa rumah jua jangan ada pohon-pohon ganal. ©Jurnalisia™
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.