Kotabaru, Polres Kotabaru ma'ada akan penanaman pohon baimbaian barataan wan bubuhan nang di Polsek, gawian bakti sosial ini dalaman rangkamemperingati HUT Kemerdekaan RI ke 78 tahun 2023, Arba (23/08/23).
Gawian itu adalah parugram Kapolri nang ma'umpat akan barataan jajaran Polda, Polres wan Polsek gasan upaya menjaga kelestarian lingkungan.
Ujar Kapolres Kotabaru, AKBP Tri Suhartanto, SH, MH, M.Si memadah akan, gawian bakti sosial ini batajuk 'Polri Lestarikan Negeri, Penghijauan Sejak Dini'.
Polres Kotabaru menyiap akan 3.250 paung pohon nang rinciannya 1.000 pohon Sengon, 1.250 Bakau wan 1.000 Terembesi.
Tujuan gawian ini gasan melihat akan kepedulian Polri utamanya Polres Kotabaru wan kelestarian lingkungan. Selain itu jua merupa akan langkah jangan sampai bakajadian bencana alam wan mengurangi polusi udara.
Kapolres baharap gawian ini kawa membangun kesadaran masyarakat wan bubuhan Polres Kotabaru dalaman menanam wan maharagu pohon, balalu kaina udara di Kabupaten Kotabaru kawa jua lebih bersih wan sigar.
Penanaman pohon ini digawi di wadah intangan PT Arutmin (NPLCT) di Desa Sarang Tiung, Kecamatan Pulau Laut Sigam Kabupaten Kotabaru., dihadiri oleh Kapolres, bubuhan Anggota DPRD, Muspida Kotabaru, Wakapolres, Pejabat Utama Polres, bubuhan Anggota Polres, wan undangan matan babagai instansi wan stakeholder takait.
Di tingkat Polsek ada 18 Polsek nang jua umpat manggawi penanaman pohon baibaian, maumpat akan jua Muspicam wan stakeholder lainnya di asing-asingnya kecamatan. ©Jurnalisia™
Jurnalis : Agus Ariyanto
*Isi Berita Dalam Dialek Kuala
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.