Kotabaru, Badan Pengawas Pemilihan Umum (Bawas Pemilu) Kabupaten Kotabaru ma'ada akan Rapat Koordinasi (Rakoor) Fasilitasi Pembinaan dan Penguatan Kelembagaan Bawas Pemilu Kabupaten Kotabaru pada Pemilu Serentak Tahun 2024, ba'andah di satu hotel di Kotabaru, Kamis (10/08/23).
Rakoor matan tanggal 10 sampai 11 juli 2023, dibuka langsung Ketua Bawas Pemilu Kabupaten Kotabaru, M. Erfan didampingi bubuhan Komisioner, Anggota Bawas Pemilu wan dihadiri bubuhan peserta matan Panwas Pemilu Kecamatan wan bubuhan Wartawan Kotabaru.
Nang jadi Narasumber di Rakoor ini; Ketua Bawas Pemilu Kotabaru saurang, Des Rijal Rachmat Rofiat, D, S.Sos, MM (Koordiv SDM, Organisasi Diklat Bawas Pemilu Propinsi Kalsel ), Dr. Nur Zazin, MA (Akademisi dan Penggiat Pemilu), Bahruddin, ME (Kabid Pengendalian Linmas Satpol PP Kotabaru), Thessa Adi budiono, S.Pd.I (Anggota Bawas Pemilu Propinsi Kalsel), Dr. Mahyuni, S.Sos, M.AP (Akademisi dan Penggiat Pemilu), wan Nur Kholis Majid, M.Pd (Penggiat Pemilu).
M. Erfan mamadah akan kita handak mendorong sabarataan jajaran Pengawas Pemilu kita gasan kawa bagawi maksimal sesuai prosedur nang ada.
Gasan bahan nang disampai akan jua bamacam, matan soal alat peraga kampanye, dimapa aturan penindakannya, diskusi wan takun jawab wan lainnya, ini sebagai upaya gasan meningkat akan pengetahuan wan pemahaman jajaran Pengawas supaya kawa melaksana akan tugas dengan baik, wan sesuai aturan nang berlaku.
Di Rakoor ini jua Bawas Pemilu Kabupaten Kotabaru manikin Nota Kesepahaman (MoU) antara Bawas Pemilu Kabupaten Kotabaru wan PWI jua Politeknik Kotabaru. ©Jurnalisia™
Jurnalis : Agus Ariyanto
*Isi Berita Dalam Dialek Kuala
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.