Kotabaru,Bawas Pemilu Kabupaten Kotabaru wan bubuhan PWI Kotabaru manikin Nota Kesepahaman (MoU), ba'andah di satu hotel di Kotabaru, Malam Sabtu (12/08/23), imbah ma'ada akan Sosialisasi Pemilu Partisifatif nang temanya Urgensi Pengawasan Partisifatif dalam upaya Pencegahan pelanggaran pada pelaksanaan Tahapan Pemilu Serentak Tahun 2024.
Ketua Bawas Pemilu Kabupaten Kotabaru, M. Erfan mamadah akan salah satu action meningkat akan partisipasi masyarakat adalah peran media mainstream nang dinaungi Persatuan Wartawan Indonesia (PWI) melalui panikinan MoU.
“Jadi actionnya tadi melalui MoU. Jadi PWI Kotabaru supaya dalaman mengontrol jalannya Pemilu nang di hadap kaina,” ujar Erfan.
Ujut umpatnya bubuhan wartawan itu wan cara memberita akan kegiatan bubuhan Bawaslu atawa ada gerakan nang hintat wan perang melawan politik duit.
“Tamasuk bila ada masyarakat nang baulah ujaran kebencian, hoax, sakadanya kawa ditangati oleh bubuhan media,” ujar Erfan pulang.
Ujar Erfan jua, bubuhannya liwar handaknya Pemilu serentak ini sakadanya kawa mengurangi hal-hal nang ditangati wan pamali. ©Jurnalisia™
Jurnalis : Agus Ariyanto
*Isi Berita Dalam Dialek Kuala
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.