Banjarmasin,Nang maulah talambat manggawi wan menetap akan APBD itu ujar Bang Dhin ya itu memilih mana nang musti didahulukan mana yang didudi akan, jua urusan surung sintak wan bubuhan SKPD.
Wakil Ketua DPRD Propinsi Kalsel itu menjawapi takunan bubuhan mahasiswa wayah sidin jadi Narasumber di acara Training Legislatif Dewan Perwakilan Mahasiswa (DPM) Universitas Sari Mulia, Arba semalam (30/08/23).
Ba'andah di Gedung Pejuang Veteran Kayu Tangi Banjarmasin, bubuhan nang maumpati acara itu bubuhan DPM matan Universitas Borneo Lestari, Politeknik Banjarmasin (Poliban), UIN Antasari, STIKES, ISFI, STIKIP PGRI, wan ULM.
Bang Dhin nang jua kada lain Ketua DPD PDI Perjuangan Propinsi Kalsel ini memberi papadahan ke bubuhan peserta nang hadir kaya apa wan dimapa acuan dalaman menyusun Rancangan Peraturan Daerah (Raperda), tahapan wan jadual proses APBD, popkok-pokok kebijakan APBD, Kebijakan Belanja Daerah, penetapan Raperda Pertanggungjawaban Pelaksanaan APBD, dan Evaluasi Raperda Tentang Pertanggungjawaban Pelaksanaan APBD wan Peraturan Kepala Daerah Tentang Penjabaran Pertanggungjawaban Pelaksanaan APBD.
Di pa'ampihan acara dijulungi sertipikat, bagagambaran bubuhan peserta wan penjulungan piagam. ©Jurnalisia™
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.