Anies Memilih Cak Imin Pacangan Wapres Partai Demokrat Liwar Kaciwa

Nasional,

Kaputingannya Anies Baswedan, Pacangan Parsidin nang diusung Partai Nasdem, PKS wan Partai Demokrat; dianggap baikar alias bakhianat oleh bubuhan Partai Demokrat.

Maraganya kada disangka-sangka si Anies dianggap ma'ambil keputusan saurangan kadada bahabaran wan utamanya ke bubuhan Partai Demokrat; memilih Muhaimin Iskandar atawa Cak Imin menjadi Pacangan Wakil Parsidin mendampingi Anies.

Karuan haja bubuhan Partai Demokrat merasa dikhianati, sangit pastinya, sampai-sampai ada bubuhan Partai Demokrat nang memacul atawa merabah akan baliho Anies nang sudah dipasang. Contohnya haja bubuhan Partai Demokrat di Kabupaten Cianjur Jawa Barat, disana bubuhannya sangit, babalu merabah akan baliho nang bagambar Anies wan AHY.

Kada cuma itu, Kepala Ahuy Partai Demokrat di Cianjur itu kada bakukulitan manyambat Anies baikar, bakhianat, makanya am menyuruhi bubuhannya suapa memaculi wan merabah akan barataan baliho atawa sapanduk nang bagambar Anies.

Selain itu jua ada ba'edar semacam surat pernyataan matan Partai Demokrat nang merasa liwar kaciwa, sakit hati maraga dikhianati si Anies itu. ©Jurnalisia™