Kotabaru,Bahubung ada beberapa ikung Anggota Polres nang pacangan parak pensiun, Polres Kotabaru ma'ada akan penggantian pejabat.
Kapolres Kotabaru AKBP Dr. Tri Suhartanto, SH, MH, M.Si melantik Pejabat Hanyar, Selasa (29/08/23), di kantor Polres Kotabaru.
Jabatan Kabag Logistik dijulung ke AKP Nur Alam, SH, MH nang mengganti akan AKP Tumbur Sirait, SH nang parak pensiun. Imbah itu Iptu Mujiyanto jadi Kasat Binmas mengganti Kompol Rosadi nang jua parak pensiun. Iptu Feby Supriyadi jadi Kasat Narkoba nang sebelumannya batugas di Bagian SDM Polres Kotabaru.
Penggantian pejabat ini jua tajadi di Polsek; Ipda Agus Setiawan batugas jadi Kapolsek Kelumpang Hulu mengganti Iptu Abdul Shomad, SH, MM. Kasikum Polres Kotabaru dijabat Iptu Yuswo Yuwono, mengganti akan AKP Engkis nang pensiun jua.
Kapolres Kotabaru ma'ucap akan selamat batugas ke bubuhan pejabat nang hanyar dilantik, wan menyuruh bubuhannya itu ancapi ba'adaptasi wan lingkungan gawian nang hanyar. Sidin jua ma'ucap akan terimakasih ke bubuhan pejabat lawas atas dedikasi luar biasa salawas batugas di Polres Kotabaru. ©Jurnalisia™
Jurnalis : Agus Ariyanto
Tidak ada komentar:
Posting Komentar
Komentarmu adalah gambaran isi kepalamu, maka diam lebih bijak daripada sok tahu.